喺21世纪有三大流行病症：

拖延症、强迫症、选择困难症

好多人都将呢三种症状总结为：懒

但係有时，人生真係越多选择

就越难选择

就好似作为一个广州人咁

每日都有咁多美食可以选择

真係唔好话我地懒

係真係唔知点拣

你睇下以下呢啲情况，你会拣左定拣右？

▼

1

两个嘅区别就在于，有无勾芡同埋炒嘅方法，萝卜青菜各有所爱，潮汕人就中意湿炒多啲~

干炒牛河，牛肉同河粉一起炒制，所以讲究猛火快炒，油火配合；而湿炒牛河，牛肉係同河粉分开炒，牛肉炒熟之后再勾芡，淋喺河粉上面。

从味道上讲，湿炒牛河有肉汁味，味道更丰富，因为有汁食起身好滑漏，不过追求口感嘅人可能会觉得河粉太淋；而干炒牛河干身，但係有镬气，喺广州干炒嘅上座率会高啲啲。

2

唔知陈皮红豆沙VS臭草绿豆沙你会拣左定右？呢个真係难拣，小编个人觉得，就算落相同分量嘅糖，红豆沙都会甜啲，所以比较多女仔中意，而小编就最中意“两沟”~一次过满足两个愿望！

3

广州人中意食鸡，你地成日都话打鸡煲，咁会拣清水鸡煲原汁原味，定係惹味嘅焖鸡煲先？

清水鸡煲如果再加只猪肚，啖汤正到痹！而且更突显出鸡本身嘅味道，食靓鸡首选清水，仲可以一路食一路渌配菜，最适合冬天！

而焖鸡煲呢，因为落咗各种酱汁，甚至落酒吊味，香味浓郁，搭配海鲜一起焖，鲜上加鲜，令鸡增添甜味~

4

艇仔粥同及第粥，广东两大名粥，斋听佢地嘅名，根本估唔到系咩粥。

艇仔粥最早喺荔枝湾河面贩卖，主要配料系鱼肉、海蜇、虾仁等海鲜，而及第粥传说係同状元及第有关，主要配料系猪杂或者肉丸。呢个时候就要拣粥，就要睇边碗落咗你中意嘅料喇~

5

M记同K记斗咗咁多年，真係好难拣一间。鸡翅嘅话，小编就会拣K记，外脆内嫩又多汁。而雪糕就肯定拣M记啦，因为係用全脂牛奶整，更加香滑！K记啲雪糕食起身粉质感会强啲。

6

煎蛋呢个真系分歧几大，太阳蛋首先就係颜值高啦，完美保留蛋液嘅口感，蛋白同蛋黄可以分隔开食；而荷包蛋，蛋两面都煎脆，中间蛋黄可以煎成糖心，一啖咬落去可以感受到三层口感。

唔识煮饭嘅小编如果自己动手，一般都会选择简单啲嘅太阳蛋，如果连太阳蛋都失败，个蛋黄烂咗，就会将佢夹埋变成一只失败嘅荷包蛋...

7

其实呢两款区别好明显，材料、做法、口味完全唔同。但係相信喺糖水铺都可以令到好多人纠结一段时间。

姜撞奶主要係依靠姜汁同牛奶喺一定温度范围内发生化学作用，令牛奶凝固而成。而双皮奶係依靠牛奶中加入嘅蛋清受热凝固形成。

不过姜撞奶只有热食，所以喺夏天基本会拣右边嘅双皮奶~

8

因为真係分唔清左髀同右髀有咩分别，所以实不相瞒，图片呢两只髀係同一只俾...

好多人都话，烧鹅髀左髀好食过右髀！

有人话系因为左髀更加大只。歧视唔止係鹅，人都一样，人左髀係粗过右髀。据说关乎地球引力问题...哇，无谂到食只烧鹅髀姐，连物理学都牵涉埋~

又有人话因为左髀活动多，肉质更结实，仲有人话系因为鹅排尿嘅时候，经常抬起左脚，小便会顺住右脚流，所以右髀容易有膻味。

最搞笑嘅係有个估仔：香港廉政公署成立前，阿Sir会向商家收“保护费”，如果唔确定商家交咗钱未，一啲警察会婉转咁问：“食烧鹅，左髀好定係右髀好？”交咗钱嘅商家一般会答：“左髀。”调转读就会变成“髀左”。而“右髀”都因为谐音“又畀”，又要畀钱嘅意思，唔吉利，所以就少人食~

9

真正嘅龟苓膏成份係由金钱龟提炼，有药用功效，可以清热解毒。而凉粉主要成份係凉粉草，功效有啲似菊花茶。只可以作为一个清凉解暑嘅东食物龟苓膏比较有口感，偏硬一啲，而凉粉口感会比较松散。

一句到尾，有钱拣左，无钱拣右~

10

读书嘅时候，每次同friend出去坐，唔理边间店，点蜂蜜柚子蜂蜜芦荟就无死错嘎啦，作为年轻人却永远都唔想尝试新饮品...呢两杯唔知你会拣边杯呢？

11

同样係可乐，其实两个牌子味道都系有一定差别，可口可乐会比较多气，入口爽口，而百事可乐偏甜，糖浆味更重，但係热量反而会低啲~

12

因为之前搞到咁大件事，先知道原来配方係一样嘅，但係广州人唔知点解，大多数始终会觉得盒装王老吉对热气更有效~

左右左左左.....

拣拣拣，拣到肚都饿埋

作为一名食货，梗係全部都要啦！

唔知大家喺生活方面

仲有边啲嘢係拣唔落手呢？不妨留言讲低

等大家帮你拣下左定右啊嘛~

1、19.9元抢英德英西峰林九重天+峰林胜境门票，一起感受大自然的奇特魅力！

2、元九龙洞天仙境+御竹轩汤泉+木屋别墅

3、￥39.9元清远龙腾峡全程漂流+水上乐园套票

1、英德S长岭路段，一男子骑摩托卷入货车底下！

2、英德九龙小镇要火了！先后有2大电影前来拍摄，小编喜欢的明星也在.....

3、又一条高速经过英德！接连黎溪、水边、西牛、浛洸、大湾…

4、摩托车都沟到女啦！又大风又大尘，仲可以chok一chok~

5、英德市沙口镇出了个“外交官”

6、英德这个男子转错账，对方索要元才肯退款！结果...

赞赏

长按







































白癜风医院哪里好
哪儿治疗白癜风好